Davlat qabul komissiyasining 2022-yil 29-dekabrdagi 10-son majlis bayoni bilan "Davlat OTMlariga kirish uchun berilgan imtiyozlarning yagona REYESTRI" tasdiqlangan.
Huquqiy asosi: O‘zbekiston Respublikasi Prezidentining o‘rmon xo‘jaligi sohasini rivojlantirishga oid qarorlari. Qo‘llanishi: O‘rmon xo‘jaligi tizimida xizmat qilayotgan xodimlar va ularning farzandlariga oliy ta’lim muassasalariga kirishda belgilangan tartibda imtiyozlar beriladi.
Huquqiy asosi: Ta’lim sohasi xodimlarini rag‘batlantirishga doir Prezident qarorlari. Qo‘llanishi: Umumta’lim muassasalarida uzoq yillar fidokorona xizmat qilgan pedagoglarning farzandlariga oliy ta’lim muassasalariga kirishda imtiyozlar beriladi.
Huquqiy asosi: O‘zbekiston Respublikasi Prezidentining “Navoiy viloyatining olis cho‘l tumanlarida aholining turmush darajasini yanada oshirishga doir qo‘shimcha chora-tadbirlar to‘g‘risida” 2017-yil 25-apreldagi PQ-2925-son qarori. Qo‘llanishi: Navoiy, Buxoro, Samarqand viloyatlaridagi oliy ta’lim muassasalariga o‘qishga qabul qilishda test sinovlari natijalari bo‘yicha 68 va undan yuqori ball to‘plagan Navoiy viloyatining olis cho‘l hududlarida istiqomat qilayotgan abituriyentlar keyinchalik mutaxassisligi bo‘yicha hududlardagi budjet tashkilotlarida kamida 4 yil ishlash sharti bilan qo‘shimcha davlat granti asosida o‘qishga qabul qilinadi. Mazkur imtiyoz asosida abituriyentlar oliy ta’lim muassasalarining bakalavriat ta’lim yo‘nalishlariga ro‘yxatdan o‘tishda o‘zlari tanlagan birinchi oliy ta’lim muassasasiga talabalikka tavsiya etiladi (Navoiy, Buxoro va Samarqand viloyatlaridagi oliy ta’lim muassasalaridan biri bo‘lishi shart).
Huquqiy asosi: O‘zbekiston Respublikasi Prezidentining 2021–2023-yillarda Surxondaryo viloyati Uzun tumani Bobotog‘ hududini ijtimoiy-iqtisodiy rivojlantirish chora-tadbirlari to‘g‘risida 2021-yil 17-fevraldagi PQ-4995-son qarori. Qo‘llanishi: 2021–2022-o‘quv yilidan kelgusiga qadar Uzun tumani Bobotog‘ hududidagi yoshlar uchun davlat granti bo‘yicha kvotalar ajratiladi. Ushbu kvotalar asosan Surxondaryo viloyatidagi pedagogika va tibbiyot yo‘nalishlariga ega oliy ta’lim muassasalariga qabul qilish uchun mo‘ljallanadi. Mazkur kvotalarning taqsimoti vazirliklar tomonidan amalga oshiriladi va Davlat komissiyasi tomonidan tasdiqlanadi. Mazkur kvota bo‘yicha o‘qishga qabul qilingan yoshlar oliy ta’limni tamomlagach, o‘z hududida kamida 5 yil ishlash majburiyatini oladi.
Imtiyozlardan foydalanish uchquyidagi shartlarga e'tibor bering:
